03
Mar
2015

Þorskhnakkar með sellerírótarmauki og fetasalati

categories: Glútenlaust, Kjöt og fiskur, Sykurlaust

10961790_10153157697720844_2056615964_nInnihald: / þorskhnakkar kryddaðir með sítrónupipar (hvert stykki ca. 150 gr).

Þessi uppskrift er fyrir ca. 4 og er reiknað með ca. 150-170 gr. af fiski á mann.

Sólþurrkað tómatpestó: / 1 bolli sólþurrkaðir tómatar / sítrónusafi og sítrónubörkur / 2 hvítlauksgeirar / lúka fersk basilíka / 1/2 rauður laukur / 1/2 bolli kaldpressuð ólífuolía / 1/2 bolli furuhnetur / smá himalayan salt / 1/3 bolli parmesan ostur.

  1. Setjið alllt í matvinnsluvélina eða blandara og mixið í smá stund en samt ekki þannig að það verði of þunnt, gott að hafa smá áferð.
  2. Setjið maukið ofan á þorskhnakkana og inn í ofn í 16-18 mínútur við 180 gr (fer eftir þykkt stykkjanna).

Sellerírótarmauk: / 1/2 sellerírótarhöfuð / 2-4 msk smjör / smá himalayan salt / pipar / kanil.

  1. Sellerírótin er skorin í smá bita og soðin í potti með smá salti þar til mjúk.
  2. Þegar tilbúið þá takið upp úr pottinum og látið vatnið renna af.
  3. Hrærið 2-4 msk af smjöri eða ólífuolíu út í og kryddið með salti, pipar og kanil.
  4. Setjið í matvinnsluvél og maukið.
  5. Setjið maukið á disk og þorskhnakkann þar ofan á.

Rauðrófu- og fetasalat: / 400 gr rauðrófur / 1-2 avókadó / lime / vorlaukur / fetaostur

  1. Hreinsið rauðrófurnar, takið utan af þeim og skerið í litla, fallega bita.
  2. Kreistið smá limesafa yfir avókadóið svo það verði síður brúnt.
  3. Skerið vorlaukinn fallega niður og setjið fetaostinn yfir.

Dressing yfir salatið: / 6 msk kaldpressuð ólífuolía / 3 msk limesafi / 2 msk hlynsíróp / smá himalayansalt og pipar.

  1. Setjið allt í skál, blandið vel saman og hellið yfir rauðrófusalatið.

 

11031202_10153168814065844_1080720240_o

 

Heil og sæl kæru vinir, ég heiti Kristjana en alltaf kölluð Jana. Ég bý í Lúxembourg ásamt eiginmanni mínum og stelpunum okkar þrem en hingað fluttum við fyrir rúmlega sjö árum. Ég starfa sem heilsukokkur á veitingastaðnum Happ sem opnaður var í mars árið 2011 en árinu áður byrjaði ég að vinna sem hráfæðiskokkur á heilsustað hér í Luxembourg. Ég hef rosalegan áhuga á mat, heilsu, næringarfræði, hreyfingu og öllu því sem því tengist. Fyrir tveimur árum útskrifaðis ég sem heilsumarkþjálfi frá IIN (Institute for Integrative Nutrition, New York) og hef síðan þá verið með kúnna í leiðsögn. Ég held reglulega matreiðslunámskeið bæði hráfæðis og matreiðslunámskeið þar sem aðal áherslan er á hollustu umfram allt. Ég vona að þér líki uppskriftin mín hér og ef þú átt leið til Luxembourgar þá endilega kíktu á Happ og ég tek vel á móti þér með gómsætum mat.

 

Ljomandi-bordi4

28
Feb
2015

Súkkulaðihjúpuð granatepli

categories: Eftirréttir, Fljótlegt, Glútenlaust, Kökur og sætt, Millimál

IMG_2007_2

IMG_1685_2Innihald: / 1/2-1 granatepli / 100 gr 70% súkkulaði

  1. Takið fræin innan úr granateplinu og setjið í ísmolabox.
  2. Hér sérðu hvernig þú getur skorið granatepli á einfaldan hátt.
  3. Bræðið súkkulaðið í vatnsbaði og hellið því yfir granateplin með skeið.
  4. Setjið í frysti og njótið.

Þetta heimagerða nammi fann ég á Pinterest á síðu sem heitir http://chocolatecoveredkatie.com. Það er ekki bara fljótlegt heldur líka svo ótrúlega einfalt að gera og lítur svo dásamlega fallega út. Ég notaði bara 1/2 granatepli í eitt ísmolabox sem var frekar lítið box og eina plötu af súkkulaði.

Hér á heilsutorg.is getur þú lesið smá fróðleik um granatepli.

IMG_1995_2

IMG_1671_2

 

Ljomandi-bordi_3

19
Feb
2015

Eggja-Quiche með beikoni & grænum baunum

categories: Glútenlaust, Kjöt og fiskur, Sykurlaust

IMG_1717_2Innihald: / 1 tsk kókosolía eða ghee / 1 laukur / 1 vorlaukur / 2 pressaðir hvítlauksgeirar / 150 g beikon / 6 egg / 250 ml rjómi / 1 1/2 bolli frosnar grænar baunir (peas) látnar þiðna / 150-200 g mosarella eða cheddar ostur / smá himalayasalt / smá mulinn svartur pipar / nokkur fersk myntublöð / skreytt með avocado og ferskum myntublöðum.

  1. Hitið ofninn á 175 gr og setjið kókosolíu eða ghee á pönnu.
  2. Byrjið á að saxa laukinn og mýkið hann í olíunni í ca. 5 mínútur, bætið hvítlauknum út í í smá stund og takið laukinn til hliðar í stóra skál.
  3. Setjið beikonið á pönnuna og eldið í ca. 5 mínútur á hvorri hlið eða þar til brúnt og stökkt.
  4. Setjið svo beikonið á disk með eldhúsbréfi og látið renna aðeins af því. Skerið í bita þegar það hefur kólnað.
  5. Brjótið 6 egg í stóru skálina.
  6. Bætið rjómanum út í ásamt baununum, ostinum, beikoninu, myntunni og salti og pipar.
  7. Smyrjið eldfast mót að innan með kókosolíu eða smjöri og hellið blöndunni í.
  8. Bakið við 175 gr í u.þ.b. klukkustund eða þar til gullið.
  9. Skreytið með myntu og avocado og berið fram með fullt af salati.

Ég notaði 26 cm eldfast mót. Það tekur ekki langan tíma að undirbúa þennan rétt en hann þarf að vera í ofni í klukkustund.

IMG_1694_2-2

Þegar ég var au-pair í Frakklandi fyrir langa löngu kynntist ég fyrst Quiche Lorraine og váááá hvað ég elskaði það. Quiche Lorraine er með hveitibotni og svo er fylling sett ofan á botninn. Ég stenst engan veginn svona bökur, finnst þær sjúklega góðar og þegar ég rakst á þessa uppskrift á netinu varð ég bara að prófa. Þetta quiche eða þessi baka er ekki með hveitibotni, sem mér finnst reyndar alveg hrikalega gott að hafa, en hún er alveg ótrúlega bragðgóð og flottur hádegis- eða kvöldmatur. Alla vega kláraðist allt upp til agna hjá okkur og enginn afgangur var til að hafa með í vinnuna daginn eftir.

IMG_1708_2

 

Þessi hugmynd kemur frá http://zagleft.com

 

 

Ljomandi-bordi_3

14
Feb
2015

Bolludagsbollur / sænskar semlur

categories: Brauð, Eftirréttir, Glútenlaust, Sykurlaust

IMG_1938_2-5Deig: / 100 g mjúkt smjör / 1/2 bolli mjólk / 25 g þurrger / 2 1/3 bolli (325 g) glútenlaust hveiti eins og Miel Mix (sjá mynd neðar) eða All Purpous Baking Flour / 1 egg / 50 g erýtrítól með stevíu / 1 tsk vínsteinslyftiduft / 2 tsk kardimommukrydd / 1/2 tsk salt.

Þessi uppskrift gerir 9 bollur

  1. Byrjið á að skera smjörið niður í litla bita, setjið í pott og bræðið við vægan hita.
  2. Bætið mjólkinni út í og hitið að 37 gráðum.
  3. Setjið þurrefnin í hrærivélaskál ásamt egginu og hellið vökvanum yfir. Hnoðið saman með hnoðaranum í hrærivélinni (ég er svo lánsöm að eiga Kitchen Aid græju). Deigið á að vera aðeins klístrað en samt verða þau að vera meðfærlegt.
  4. Setjið klút yfir hrærivélaskálina og látið hefast í 45 mín.

Möndlumassi/fylling: / 100 g möndlumjöl / 80 g erýtrítól / 3 msk vatn / 1/2-1 tsk kardimommukrydd / 1/4 tsk vanilluduft / 3 msk rjómi (óþeyttur) / VAL: 25 g fínt saxaðar eða hakkaðar, hvítar möndlur (hægt að rista á pönnu eða í ofni í 5 mín).

  1. Fyllinguna getið þið geymt í kæli meðan þið gerið bollurnar.
  2. Möndlumassinn er frekar sætur en það er hægt að minnka sætukeiminn með því að mylja deigið sem kemur úr holunni á bollunum út í möndlumassann (sjá neðar).

Þeyttur rjómi: / 300 ml rjómi / 1 msk fínmöluð strásæta frá Via Health eða flórsykur / smá vanilluduft eða 1/2 tsk vanilla extrakt / fínmöluð strásæta eða flórsykur til skreytingar.

 

Þegar deigið hefur hefast í 45 mínútur þá er hægt að búa til bollur og þá kveikir þú á ofninum og hitar í 220 gr. Ég vigtaði bollurnar (ca. 80 gr hver) og hnoðaði hverja mjög vel í höndunum. Síðan smurði ég smá eggi yfir til að fá gljáa. IMG_1870_2-2

Setjið klút yfir plötuna og látið hefast aftur í ca. 45 mínútur og bakið svo við 220 gr. í ca. 10-13 mínútur.

Þegar bollurnar eru tilbúnar og búnar að kólna þá skerið þið toppinn af og búið til smá holu í miðjunni á bollunni. Setjið fyllinguna þar í og dreifið henni líka um yfir brúnirnar.

Ég bjó einu sinni í Svíþjóð og Svíar borða svona bollur frá áramótum og fram að páskum, eða þá fást þær í bakaríunum. Í þeim er marsípanfylling en ekki sulta en hér notuðum við þessa möndlufyllingu.

IMG_1887_2-2

 

IMG_1888_2-2

 

IMG_1906_2

 

Þeytið rjómann, setjið í sprautupoka og ofan á hverja bollu og setjið lokið ofaná. Skreytið bollurnar með flórsykrinum/fínmöluðu strásætunni.

IMG_1908_2

 

IMG_1922_2-2

 

IMG_1953_2-3

 

IMG_1881_2Þessi frábæra hveitiblanda frá Bauckhof er glútenlaus og frábær í svona bakstur því hún er sterkjumikil. Ég hef stundum notað All Purpous Baking Flour í bakstur en finn alltaf eitthvað skrítið bragð af því. Ég fann það ekki þegar ég notaði þessa blöndu. Ég fékk þessa á Gló Fákafeni. Þeir hjá Bauckhof eru alveg frábærir – 100% lífrænir og vinna eftir hugsjónum Rudolph Steiner. Eru með eina allra, allra flottustu mylluna þar sem allt er steinmalað.

Ég rakst á þessa uppskrift á hinni ómótstæðilegu vefsíðu: http://www.callmecupcake.se en átti smá við uppskriftina. Ég held hreinlega að callmecupcake sé ein flottasta síða í heimi, myndirnar hennar Lindu Lomelino eru hreint ævintýri. Ég fann hana fyrst á Instagram. Fáránlega flott svo ég varð að prófa þessa uppskrift. Ég ólst upp við að mamma bakaði bollur á bolludaginn og sá dagur var alltaf svolítið hátíðlegur en litla fjölskyldan mín er ekki mikið bolludagsfólk, krakkarnir mínir eru ekki mikið fyrir rjóma og maðurinn minn er ekki mikið fyrir sætabrauð. En þau voru öll rosa ánægð með þessar bollur. Ég er heldur ekkert rosalega góð í svona gerbakstri og enn og aftur hringdi ég hotline í Elínu vinkonu sem er alltaf með svörin við öllu. Takk fyrir hjálpina elsku vinkona. Þú ert bara snillingur.

 

Ljomandi-bordi_3

11
Feb
2015

Kakópróteinsjeik með lakkrísrótardufti

categories: Drykkir og Boozt, Glútenlaust, Millimál, Mjólkurlaust, Morgunmatur, Sykurlaust

IMG_1547_2Innihald: / 2 dl haframjólk (oat) eða möndlumjólk, hrísmjólk / 1 kúfuð mæliskeið vanilluprótein / 1 msk hrátt kakóduft / 1/2 avocado / 1/2 tsk lakkrísrótarduft / 1 msk hörfræolía / 1 msk chiafræ / smá himalayasalt / klakar / VAL: smá acai-duft

  1. Setja allt í blandarann, mixa vel og drekka. Bragðgóður og súperhollur sjeik.

Mig langar aðeins að segja þér hvað lakkrísrótarduft gerir fyrir líkamann.

Lakkrísrótarduft er ekki bara gott á bragðið og harmónar vel með hráu kakódufti (hver elskar ekki bragðið af súkkulaði og lakkrís) heldur hefur það nokkra frábæra eiginleika:

  • verndar lifrina og lætur blóðið streyma í gegnum hana.
  • örvar lifrina til að framleiða meira gall. Alveg nauðsynlegt!
  • jafnar starfsemi í brisi og þá verður blóðsykurinn svooo happy.
  • örvar hægðir og eykur þol gegn streitu. Ef það er ekki nauðsynlegt þá hvað???
  • losar slím úr öndunarfærum.
  • mýkir og græðir meltingarveg.
  • er bólgueyðandi.

Að sjálfsögðu getum við fengið allt okkar prótein úr venjulegum mat og það væri æskilegast en mér líkar að nota hreint mysuprótein og geri það af og til. Spirulina er t.d. mjög próteinrík og ég nota hana líka stundum. Plöntuprótein úr hamp er líka mjög flott. Ég persónulega er ekki hrifin af casein próteini og hér getur þú lesið af hverju. Flókið mál en bara ekki fyrir mig. Ást og friður :)

IMG_1556_2

 

Ljomandi-bordi_3

 

 

 

09
Feb
2015

Kjúklingaréttur með kasjúhnetum

categories: Fljótlegt, Glútenlaust, Kjöt og fiskur, Mjólkurlaust

IMG_1617_2Innihald: / 1 msk kókosolía / 2 rauðar paprikur / 200g heilar kasjúhnetur / 1 kg kjúklingabringur / 1 msk kókoshveiti (eða annað hveiti) / 1/2 tsk himalayan salt / 1 búnt vorlaukur.

Sósa: / 1/3 bolli tamarisósa eða sojasósa / 1/4 bolli eplaedik (eða hrísgrjónaedik) / 2 msk tómatpúrra / 2 msk kókospálmasykur / 1 msk akasíuhunang eða hrátt hunang (eða bara 3 msk af annarri hvorri sætunni) / 3 hvítlauksgeirar / 1 msk ferskt rifið engifer / smá svartur mulinn pipar.

  1. Byrjið á að skera paprikurnar og kjúklinginn í munnbita.
  2. Hitið olíuna á pönnu, skellið papríkunni yfir og látið malla í nokkrar mínútur eða þar til mjúkar. Takið svo af pönnunni.
  3. Setjið kjúklingabitana á pönnuna, setjið kókoshveitið eða það hveiti sem þið viljið nota yfir, saltið og hrærið af og til í þar til kjúklingurinn er að mestu eldaður í gegn.
  4. Á meðan kjúklingurinn er að eldast er hægt að gera sósuna sem fer yfir og hún fer á pönnuna þegar kjúklingurinn er að mestu tilbúinn.
  5. Bætið paprikunni út á pönnuna ásamt kasjúhnetunum.
  6. Lækkið hitann og látið malla í nokkrar mínútur.
  7. Setjið vorlaukinn yfir réttinn þegar hann er tilbúinn.

 Réttur fyrir ca. 4-6, tekur 10 mínútur að undirbúa og ca. 15 mín  að elda.

IMG_1646_2

Þessi ótrúlega einfalda og góða uppskrift dugar fyrir ca. 4-6, tekur 10 mínútur að undirbúa og ca. korter að elda. Í upprunalegu uppskriftinni er notað hrísgrjónaedik en ég skipti því út fyrir eplaedik. Þessi kjúklingaréttur hefur algjörlega slegið í gegn hérna á heimilinu og er orðinn okkar nýjasta uppáhald. Gott að bera fram með fullt af brakandi salati og flottu brauði.

Þessi kemur frá http://www.aspicyperspective.com

 

 

Ljomandi-bordi_3

06
Feb
2015

Próteinsjeik með bananabragði án banana

categories: Drykkir og Boozt, Millimál, Mjólkurlaust, Morgunmatur

IMG_1600_2Innihald: / 2 dl haframjólk (oat) eða möndlumjólk, hrísmjólk / 1 kúfuð mæliskeið vanilluprótein / 1/2 avocado / 1 – 2 msk hörfræolía með banana- og jarðarberjabragði / 1 msk chiafræ /  1/2 – 1 tsk kanill / 1/2 tsk vanilluduft / smá himalayasalt / klakar / VAL: mér finnst gott að setja smá dass af venjulegri hörfræolíu líka :) olíur gera okkur svo gott.

Síðust 5 vikurnar hef ég setið mjög skemmtilegt, hvetjandi og fróðlegt námskeið á GLÓ hjá henni Þorbjörgu Hafsteinsdóttur ásamt mjög hressum og skemmtilegum hópi fólks þar sem Þorbjörg leiddi hópinn skref fyrir skref í áttina að bættu mataræði. Fjórðu vikuna var hópurinn settur á fljótandi fæði í eina heila viku. Ég hef oft reynt að vera á fljótandi fæði (hreinum djús) í nokkra daga en aldrei liðið almennilega vel og alltaf verið frekar svöng og ómöguleg. En á námskeiðinu hennar Þorbjargar kenndi hún okkur að halda inni próteinsjeikum í svona ferli því amínósýrurnar eru nauðsynlegar fyrir lifrina og hjálpa til við afeitrun og mysuprótein er stútfullt af amínósýrum. Þau sem sátu námskeiðið voru sammála um að þetta hefði gert þeim ótrúlega gott og voru allir frekar mikið glaðir og ánægðir með sig í lok námskeiðsins.

En að boostinu hér að ofan. Því miður eru bananar of sætir fyrir mína meltingu nema í örlitlu magni og þess vegna er ég hætt að nota þá í próteinboostið mitt. Ég nota avocado í staðinn en ég sakna bara svooo rosalega bananabragðsins. Þess vegna ákvað ég að prófa Omega Swirl hörfræolíu með banana- og jarðarberjabragði og það svoleiðis svínvirkaði fyrir mig. Olían fæst t.d. á GLÓ.

Frábært boost, virkilega bragðgott, einfalt og næringarríkt.

 

Ljomandi-bordi_3

30
Jan
2015

Núðlusúpa

categories: Glútenlaust, Súpur

IMG_0943_2Innihald: / 1 msk kókosolía eða ghee / 1 msk rifin engiferrót / 3 hvítlauksgeirar / 1/2 rautt chili / 2-3 stórar gulrætur / 1 1/2 líter vatn / 2 msk grænmetiskraftur / 1 tsk túrmerik / 1/2 tsk kóríander / 1 msk tamarisósa / 2 tsk sesamolía / 1 msk hlynsíróp / 1 lítill hvítkálshaus / 375 gr núðlur (jafnvel glútenlausar) eða hrísgrjónanúðlur / VAL: misoduft (sjá umfjöllun neðar í pósti)

  1. Setjið kókosolíu í pott.
  2. Rífið niður engiferrót og hvítlauk, saxið chili smátt og skerið gulræturnar í litla bita og leyfið að malla smá stund.
  3. Bætið vatninu út í ásamt kryddinu og leyfið suðunni að koma upp.
  4. Sjóðið pastað í öðrum potti samkvæmt leiðbeiningum og setjið svo í skál þegar tilbúið.
  5. Rífið hvítkálið niður í litla bita í höndunum og setjið í súpupottinn ca. 5 mínútum áður en súpan er tilbúin því það á bara rétt að mýkjast.
  6. Súpan fer svo á diskinn og núðlurnar út í í því magni sem þú vilt.

Hugmyndin að þessari súpu kemur frá Elínu vinkonu minni sem er snillingur í eldhúsinu og bakarameistari af guðs náð. Ég heimsótti hana um daginn þegar hún var að elda núðlusúpu og lyktin í húsinu hennar var svo dásamleg svo ég fór að kíkja í pottana. Hún setti hvítkál út í súpuna og ég gat bara ekki hætt að hugsa um þessa súpu því mér finnst soðið hvítkál svo hrikalega gott. Hver man ekki eftir kálbögglum í gamla daga? Krakkarnir mínir biðja ömmu sína reglulega um að gera þá handa sér og þau eru með risa matarást á Ömmu Hönnu. Ég mun t.d. aldrei ná að mastera hrísgrjónagraut eins vel og hún að þeirra mati.

Núðlurnar í súpunni þurfa alls ekki að vera glútenlausar og Elín notaði hrísgrjónanúðlur sem hún sauð í ca. 2 mínútur í öðrum potti en þá er hægt að ráða hversu mikið af núðlum fer á súpudiskinn þinn. Súper einföld súpa sem er holl, bragðgóð og fljótleg.

Ef þú vilt bæta við próteinum í súpuna geturðu þess vegna notað egg út í, rækjur eða kjúkling. Það er líka snilld að setja misoduft út á súpur til að fá góða gerla og er algjör næringarbomba. Misoduftið þarf reyndar að vera ógerilsneytt eða unpasturised því engir gerlar eru í því gerilsneydda. Passið bara að setja aldrei misoduft í sjóðandi vatn því þá drepast gerlarnir, vatnið má helst ekki vera meira en 50 gráður. Misoduft bragðast einkar vel með hvítlauk og engifer. Misoduftin frá Clear Spring fást á GLÓ FÁKAFENI og í JURTAAPÓTEKINU.

IMG_0968_2

 

 

Ljomandi-bordi_3

23
Jan
2015

Vanilluís

categories: Eftirréttir, Glútenlaust, ís, Millimál

IMG_1432Innihald: // 1 bolli nýmjólk / 1/2 líter þeyttur rjómi / 1/2 bolli hlynsíróp / smá salt / 1 msk vanillu extract eða vanilludropar / 1 vanillustöng (maukið innan úr) / VAL: 1-2 dropar vanillustevía en ekki nauðsynlegt.

  1. Byrjið á að þeyta rjómann.
  2. Skerið vanillustöngina langsum i tvennt og skafið dásamlegt vanillumaukið úr.
  3. Blandið svo saman í skál mjólkinn, hlynsírópinu, vanillumaukinu, vanillu extrakt-inu og saltinu og blandið vel.
  4. Bætið þessu síðan út í rjómann og hrærið vel saman.
  5. Hér má setja 1-2 dropa af vanillustevíu en það er alls ekki nauðsynlegt, smakkið til.
  6. Setjið eitthvað yfir skálina og kælið í ísskáp í amk. klukkustund eða yfir nótt.
  7. Setjið í ísvél og látið ganga í ca. 20 mínútur eða þar til tilbúið.
  8. Þið getið síðan borið ísinn strax fram eða sett í frysti í 20-30 mín.

Ég er engin ísmanneskja en ég hér á heimilinu er stóra stelpan mín hún Edda og maðurinn minn mikið ísfólk. Þegar þau gera sér glaðan dag er farið í ísbúð. Við Edda gerðum um jólin jólaísinn hennar Ebbu sem er brjálæðilslega góður karamelluís og verður okkar jólaís hér eftir. Eddu langaði að prófa að gera vanilluís og varð þessi uppskrift fyrir valinu eftir smá leit á netinu. Hann er eiginlega smá samansafn af uppskriftum svo ég stakk upp á að við mundum kalla hann vanilluísinn okkar en henni fannst það súper asnalegt :) svo hann heitir bara vanilluís. Ef þið notið ekki ísvél og setjið ísinn beint í frysti er hann ekki eins mjúkur og verður meira vatnskenndur en alveg jafn bragðgóður. Ísvélin gerir smá töfra.

IMG_1391-2

IMG_1423

 

 

Ljomandi-bordi_3

16
Jan
2015

Einfaldur kókos & karrý baunapottréttur

categories: Glútenlaust, Grænmetisréttir, Mjólkurlaust, Sykurlaust

IMG_1265_2Innihald: / kókosolía til steikingar / 1 laukur / 1 bolli (þurrar) rauðar eða grænar linsubaunir / 1 sæt kartafla / 2 stórar gulrætur / 1/2 tsk turmeric / 1 msk karrý / 1 tsk engiferkrydd / smá salt / nokkur svört piparkorn / 3 – 3 1/2 bolli vatn / 1 msk grænmetiskraftur / 1/2 bolli kókosmjólk.

  1. Laukurinn skorinn frekar smátt.
  2. Skerið sætu karföfluna niður í teninga og gulræturnar langsum.
  3. Hitið olíuna og mýkið laukinn.
  4. Bætið svo kartöflunni, gulrótunum, baununum og kryddinu útí.
  5. Setjið vatnið út í pottinn og hitið að suðu, minnkið þá hitann og sjóðið í amk. 25 mínútur. Mér finnst betra að nota minna vatn en meira, annars verður þetta meira súpa.
  6. Bætið kókosmjólkinni út í.
  7. Berið fram heitt og jafnvel með quinoa.

Þessi vegan pottréttur er ótrúlega einfaldur og góður grænmetisréttur fyrir ca. 4.  Mér finnst algjör snilld að gera frekar stóra uppskrift og eiga daginn eftir í afgang til að taka með í vinnuna. Ef þú átt cast iron pott þá er gott að nota hann í þetta.

Þar sem ég er að taka út allan sykur og korn (þá sleppi ég quinoa-inu) í ákveðinn tíma er ég eiginlega búin að lifa á svona mat sem er alls ekkert mál þegar maður dettur niður á svona lostæti því þetta er mjög bragðgóður og ljúffengur pottréttur sem fljótlegt er að gera og frábært að bera fram með fullt af grænmeti.

IMG_1251_2

Uppskrift frá http://www.detoxinista.com

 

 

Bordi2

 

 

 

1 2 3 4 … 10